Leiðbeiningar til skjólstæðinga sálfræðinga
Félagsmönnum í Sálfræðingafélagi Íslands ber að starfa samkvæmt samnorrænum siðareglum sálfræðinga. Telji skjólstæðingur sálfræðings í Sálfræðingafélagi Íslands að viðkomandi sálfræðingur hafi í starfi sínu gerst brotlegur við siðareglur félagsins getur hann sent erindi um málið til siðanefndar. Erindið skal stíla á:
Siðanefnd Sálfræðingafélags Íslands,
Borgartúni 27 – 2. hæð,
105 Reykjavík
Einnig er í boði að senda erindi í tölvupósti til siðanefndar á netfangið sidanefnd@sal.is. Eingöngu formaður siðanefndar er með aðgang að því netfangi. Athugið að sending með tölvupósti telst ekki jafn örugg og sending með bréfpósti.
Ef sending með tölvupósti er notuð ber að fylgja eftirfarandi skrefum til að auka öryggi gagnanna:
- Setja lykilorð á skjölin sem send eru í tölvupósti
- Senda lykilorð að skjölunum í öðrum tölvupósti á netfang siðanefndar
Ef erindi eru send í tölvupósti mun siðanefnd svara erindum með sama hætti með læstum skjölum með samþykki sendanda.
Eftirfarandi upplýsingar þurfa að koma fram í erindinu:
- Nafn sálfræðingins sem í hlut á. Hann þarf að vera félagsmaður í SÍ. Ef hann er það ekki er hægt að beina erindinu til Landlæknis.
- Nafn og heimilisfang þess sem erindið sendir.
- Lýsing á atvikinu sem erindið fjallar um þar sem málavöxtum er lýst nákvæmlega.
- Undirritað skjal vegna upplýsts samþykkis vegna erindis til Siðanefndar Sálfræðingafélags Íslands, hér má nálgast skjalið